Bizkaiko Foru Aldundiko gobernu-talde berriko kideak beren karguez jabetu dira gaur, Elixabete Etxanobe diputatu nagusia buru dela, Foru Jauregian egin den ekitaldi batean. Kargu-jabetze formalaren ondoren foru diputatu berriak hamabigarren legealdiko lehen gobernu kontseiluan bildu dira.

Gobernu-taldearen lehen bilera honetan abian ipini da Bizkaiko Foru Aldundiaren egitura berria. Bederatzi sail egongo dira, aurreko legealdian bezala.

Asteazkenean Gernikan egin zen inbestidura-plenoan Elixabete Etxanobek esan zuen nortzuk diren foru gobernuko diputatu berriak eta zer saletan ariko den bakoitza datozen lau urteetan. Hona: Ainara Basurko, lehen diputatu nagusiordea eta Ekonomia Sustatzeko foru diputatua; Teresa Laespada, bigarren diputatu nagusiordea eta Enplegua, Gizarte Inklusioa eta Berdintasuna Sustatzeko foru diputatua; Ager Izagirre, Herri Administrazio eta Erakunde Harremanen foru diputatua; Itxaso Berrojalbiz, Ogasun eta Finantzen foru diputatua; Amaia Antxustegi, Gizarte Ekintzako foru diputatua; Leixuri Arrizabalaga, Euskara, Kultura eta Kiroleko foru diputatua; Imanol Pradales, Azpiegituretarako eta Lurralde Garapenerako foru diputatua; Sonia Pérez, Garraioak, Mugikortasuna eta Turismoa Sustatzeko foru diputatua; Arantza Atutxa, Ingurune Naturala eta Nekazaritza Sustatzeko foru diputatua.