EAJ-PNVren ordezkariak Gernikako Arbolaren beste kimu bat landatzeko ekitaldian parte hartu dute gaur goizean, Udabarri dantza taldearen 50. urteurrenaren ospakizunen barruan. Ana Otadui Batzar Nagusietako presidenta jeltzalearekin batera, Euskara eta Kultura diputatu Andrea, Lorea Bilbao; Euskara foru Zuzendaria, Andoni Iturbe; Ana Esther Furundarena eta Alfredo Olea EAJ-PNVren batzarkide taldeko kideak, eta Zornotzako alkatea, Andoni Agirrebeitia izan dira. Ohikoa danez, Otaduik, “gure askatasunen, eskubide historikoen eta Bakerako gogoaren sinboloa dan antxinako leinuaren katenmaila” horren egiazkotasunaren egiaztagiria entregau dau.

Landaketa ekitaldian Aita Santi Onaindiaren oroimena be omendu da, euskal dantza taldearen sortzaileetakoa, Udabarriren berbetan, “gure herrialdearen historia, euskerea, literatura, mitologia eta bertsolaritzea” transmitiduten jakin ebalako, beste gauza askoren artean. Haretx gazteak gerizpea emongo deutso Larreako Karmeldarren komentuaren ondoan dagon bustoari.