Gaur goizean, Gernikako Batzar Etxean egin da hamargarren legealdiko hirugarren osoko bilkura. Bilkura honetako eguneko gai zerrendan jaso da EAb-Euzko Abertzaleak taldeko ahaldun berriak, Ángel Basauri Azkue, Kontxi Claver Zurro eta Gorka Beitia Zurinaga beren aulkiez jabetzea, hurrenez hurren Alaitz Etxeandia, Ibone Bengoetxea eta Lorea Bilbao ordezkatzeko.

Ángel Basauri Azkue Alaitz Etxeandiaren ordez sartu da eta Busturia-Uribe barrutiko batzarkidea izango da. Tributuen Ikuskatzailea da Leioako Udalean, eta bertan bizi da.

Kontxi Claver Zurro, bere aldetik, Ibone Bengoetxea, Herri Administraziorako eta Erakunde Harremanetarako diputatu andrearen ordez sartu da. Claver, une honetan Durangon bizi den arren, Bilbo barrutia ordezkatuko du ganberan. Zuzenbidean lizentziatua da eta Ellacuría fundazioan lan egiten du.

Gorka Beitia Zurinaga da EAb taldean sartu den hirugarrena. Beitia Lorea Bilbao Euskara eta Kultura diputatu andrearen kredentziala jaso du eta Bizkaiko Legebiltzarrean Durango-Arratia barrutiaren izenean hitz egingo du.